Finnst kominn tími á smá skrif!!
Ætlaði að vera dugleg að skrifa um endurhæfingu mína en svo einhvern vegin rann það út í sandinn eins og svo mörg góð fyrirheit. Þó er ég ekki hætt að hreyfa mig og í tvo mánuði hafi ég mætt í ræktina 3svar í viku rúmlega sex að morgni og tekið vel á og svitnað hjá henni Siggu. Og þvílíkar framfarir – hefði aldrei trúað því að ég myndi verða svona fljót að ná mér þokkalega á strik og stefnir allt í að ég verði hreyfifíkill með vöðvasöfnunaráráttu! Ég er meira að segja farin að drekka próteinsjeika – og þá er nú mikið sagt!!
Í síðstu viku fór ég þrjá morgna í Hress, fór út að skokka/ganga einn morgun, hjólaði í vinnuna tvisvar og fór svo í líkamsrækt á Bjargi á Akureyri á laugardaginn með Aðalheiði og Lúlla. Tölti svo á Esjuna á mánudaginn og var rúmar 70 mín að Steininum fræga! Þetta hefði ég ekki haft orku né úthald í fyrir rúmum mánuði – nú er bara að halda áfram og bæta við karate en ég hef lítið æft í vetur 😀