Í dag er Uppstigningardagur en á þeim degi ku Jesú hafa stigið til himna til að sitja við hægri hönd Guðs. Þetta er sem sé trúarlegur dagur.
Þegar ég var að alast upp (rosalega hljómar þetta OLD) voru flestir með lítinn kálgarð í lóðinni hjá sér og þannig var það heima hjá mér. Mamma og pabbi voru með lítinn garð fyrir aftan hús þar sem ræktaðar voru kartöflur, rabbabari, gulrætur og fleira grænmeti. Alla garða þarf að hirða og að sjálfsögðu var garðurinn stunginn upp að vori til að undibúa sáningu. Eitt sinn gerðist það að foreldrar mínir notuðu Uppstigningardag til að stinga upp garðinn og ég segi það satt að ég hélt í mörg ár eftir þann gjörning að Uppstigningardagur væri dagurinn sem ætti að nota til að stinga upp kartöflugarðinn. Hvað maður getur verið vitlaus 
Hins vegar hef ég engan garð að stinga upp og ætla að gera eitthvað allt annað en efa samt að ég fari í kröfugöngu. Læt duga að birta Nallann.
Fram, þjáðir menn í þúsund löndum,
sem þekkið skortsins glímutök!
Nú bárur frelsis brotna á ströndum,
boða kúgun ragnarök.
Fúnar stoðir burtu við brjótum!
Bræður! Fylkjum liði í dag-
Vér bárum fjötra, en brátt nú hljótum
að byggja réttlátt þjóðfélag.
Þó að framtíð sé falin,
grípum geirinn í hönd,
því Internationalinn
mun tengja strönd við strönd.
