Fimm frábærar gátur

1. A murderer is condemned to death. He has to choose between three rooms. The first is full of raging fires, the second is full of assassins with loaded guns, and the third is full of lions that haven’t eaten in 3 years. Which room is safest for him?

2. A woman shoots her husband. Then she holds him under water for over 5 minutes. Finally, she hangs him. But 5 minutes later they both go out together and enjoy a wonderful dinner together. How can this be?

3. What is black when you buy it, red when you use it, and gray when you throw it away ?

4. Can you name three consecutive days without using the words Wednesday, Friday, or Sunday?

5. This is an unusual paragraph. I’m curious as to just how quickly you can find out what is so unusual about it. It looks so ordinary and plain that you would think nothing was wrong with it. In fact, nothing is wrong with it! It is highly unusual though. Study it and think about it, but you still may not find anything odd. But if you work at it a bit, you might find out. Try to do so without any coaching!

Svör má senda á bylgjav@gmail.com

Kristjana skuldar mér gommu!

Alltaf er maður að græða…komst að því áðan að Kristjana skuldar mér helling af peningum. Hún efast um að vera borgunarmanneskja fyrir þessu en ég tek VISA…

The New me

Í dag fer ég í klippingu – sem betur fer. Er að drukkna úr hári og hugnast ekki liturinn.

Mér finnst ég svona…

og ætla að verða svona:

(mig hefur alltaf langað í gulan bíl)

Þetta mál er allt annað en lagt var upp með

“Þetta mál er allt annað en lagt var upp með” er nýjasta mantra Sjálfstæðisflokksins. Mér finnst það segja allt sem segja þarf um stefnu flokksins síðustu 10-12 ára!!!
Þeir (Sjálfstæðismenn) halda því fram að Icesave samningurinn sé annar í dag en hann var þegar skrifað var undir til að halda andlitinu út á við (eða inná við). Einhvern vegin á tengi ég þennan frasa þeirra svo sterkt við Nýju fötin keisarans og fæ mjög svo skýra mynd í hugann. Í þeirri mynd eru tveir síðustu formenn flokksins klæðalausir og núverandi formaður gengur í humátt á eftir þeim og reitir af sér spjarirnar!
Í mínum huga er Sjálfstæðisflokkurinn allt annar flokkur en lagt var upp með þegar hann var stofnaður – hann týndi sjálfum sér og það má kannski segja að Samfylkingin hafi stolið flestum þeim málum frá honum sem hann átti. Einu sinni átti Sjálfstæðisflokkurinn slagorðið Stétt með stétt og margir gátu samsamað sig með helstu stefnumálum flokksins. Einhvers staðar á leiðinni þá enduðu þeir á öðrum stað en lagt var upp með!!
Ég ætla aldrei að gleyma því…

Að svara spurningu með spurningu

Almennt finnst mér það frekar leiðinlegur siður að svara spurningu með spurningu en ég hef tekið upp þann ósið!

Í hvert sinn sem einhver spyr hvort mér finnist þetta og hitt ekki agalegt í þessu samfélagi þá svara ég með spurningunni: Hefur þú einhvern tíman kosið Sjálfstæðisflokkinn?

Þannig þagga ég niður í öllum sem eru að tuða yfir háum vöxtum, genginu, skuldunum, Icesave, efnahagsmálum, skuldastöðu heimilanna, þjóðflutningum, fátækt í samfélaginu, niðurskurði, vanmætti ríkisstjórnarinnar, osfrv.

Svo vil ég líka benda að ef við viljum að einhver biðjist afsökunar á gerðum sínum þá verðum við jafnframt að vera tilbúin að fyrirgefa viðkomandi. Það er nefnilega miklu erfiðara…

hvar eru allir?

Ég taldi víst þegar ég byrjaði að skrifa aftur að það yrði brjáluð traffík hér á síðuna mína…hvar eru allir?
Það að einbeita sér að bloggskrifum aftur er svolítið eins og að læra að hjóla. Fer hægt fyrst en svo kemur þetta. Því hef ég ákveðið að skrifa eina færslu á dag svona til að æfa mig. Þá hefur maður líka augun opin eftir áhugaverðu umfjöllunarefni. Það er hverjum manni hollt.
Þið verðið bara að þola ómerkilegar færslur þess á milli sem ég dett á eitthvað sniðugt. Takmarkið er sem áður að verða efst á lista www.wordpress.com yfir vinsælustu bloggara landsins.

Stýrivextir voru lækkaðir um 1% í morgun – óhboj – allt verður vitlaust núna. Er búið að ráða Davíð aftur í Seðlabankann eða hefur Alþjóðagjaldeyrissjóðurinn okkur í skrúfstykki?

Er í svörtum sandölum með frjálsar tær

Hin merkilegu læknisstörf!

Í dag fór ég með son minn til læknis, á heilsugæsluna í Garðabæ. Við biðum í rúma viku eftir tíma enda eru heimilislæknar uppteknar manneskjur. Okkar erindi var ekki akút heldur er drengurinn með vörtu á annarri stóru tánni. Ég velti því fyrir mér þar sem Óskar lá á bekknum og læknirinn sprautaði fljótandi köfnunarefni á illgresið hvort að manneskja með tæplega 10 ára nám á háskólastigi væri ekki over-qualified í þetta verk? Af hverju þarf læknir að sjá um slíka aðgerð??? Þessi litla “aðgerð” krafðist ekki neinnar sérstakrar þjálfunar, ekki var skorið bara spreyjað og kannski mikilvægast að vera ekki skjálfhentur!

Ég bara fór að velta þessu fyrir mér – svona í ljósi umræðu um biðlista og kostnað við heilbrigðiskerfið

Er í svörtu lakkskónum mínum með lágum hæl (keyptir í Boston í september 2008)

Dauð, dauðari dauðust?

Þannig er að í mér blundar bloggari sem af og til kemur fram. Hann hefur týndur og tröllum gefinn síðustu misserin. Þessi bloggari er orðinn svo mikill Facebookari að hann hugsar bara í frösum og ræður ekki lengur við að mynda flóknari setningar en þær sem eru 2 sekúndur að verða til. Þessi bloggari er meira að segja búinn að tapa niður lágmarkskunnáttu í íslensku og man ekki lengur hvort skrifað er í eða ý í orðinu TÝNDUR…

Iss – gengur ekki

Samt hefur heilmikið á daga þessa bloggara drifið. Hann varð til dæmis 43 ára síðasta laugardag (30. maí), hann er orðinn 1. kyu í karate og má því hefja undirbúning að DAN gráðun á næsta ári. Þessi bloggari er búinn að ferma yngsta barnið sitt og skipuleggja sumarleyfi til Tenerife í miðri kreppu. Kaupa sér reiðhjól og hjóla um bæinn eins og hann getur, vinna helling (með hangandi hendi), skipuleggja ættarmót í sumar, drekka mikið kaffi, fara á Listahátíð (Tiger Lillies og Þorstein frá Hamri), sinna fjölskyldunni, strauja (bara smá), fara í sumarbústaðinn og svona mætti lengi telja.

Margt hefur hann ekki gert – eins og að vera handtekinn fyrir óskpektir á almannafæri eða mótmæli.

Verst af öllu er að þessi aumi bloggari hefur bara keypt sér eitt skópar á árinu og er það langt undir meðaltalinu. Það er ekki nógu gott!!

Lifið heil

Kosningar 2009

Er ekki kominn tími á eina könnun?

[polldaddy poll=1559443]

Vélin er að hitna

Jæja þá er kominn dagur 2 í bloggátakinu.

Það er svo skrýtið að maður dettur alveg úr æfingu þegar maður hættir að skrifa oft og örugglega eins og ég gerði. Hef í sjálfu sér ekki neitt að segja sem slíkt og ætla því að skrifa hefðbundna færslu um daglegt líf.

• Fermdi soninn, Óskar Daða á Pálmasunndag
• Keppti á Íslandsmeistaramótinu í kata 28. mars
• Fór til Brussel 25.-27. mars á vegum vinnunnar
• Er í vinnunni akkúrat núna
• Man ekki neitt meira
• Dettur ekki einu sinni neitt fyndið í hug
• Reyndar held ég að ég sé að verða lasin
• Er með höfuðverk
• Hnerra mikið
• Sonur minn er nefnilega veikur

Er í sömu skóm og í gær