Almost two weeks!!

Það eru nærri komnar tvær vikur síðan ég hóf þetta brambolt mitt árla á morgnana og ég er bara orðin ágætlega vön að byrja daginn á púli. Þó var voða ljúft að kúra í morgun í stað þess að drífa sig á fætur klukkan 06. Allt gengur eins og við er að búast, er öll að styrkjast og ekki eins rosalega þreytt og farin að gera meira. Þó finnst mér aðalumunurinn liggja í því að ég er fljótari að fara í gegnum þær æfingar sem Sigga setur mér fyrir. Hún sagði að ég ætti að finna mun á mér eftir ca 6 skipti og það er alveg rétt. Það sem helst háir mér er mæðin…en það hlýtur að fara að skána. Þarf að koma mér í gang og vera ready fyrir æfingabúðirnar hjá Amos í næstu viku! Hann er bara æði….