Dagur sex

Í morgun vaknaði ég klukkan sex og var mætt til Siggu fyrir hálf sjö. Þetta var þriðji tíminn minn hjá henni og í dag var vel tekið á í stöðvaþjálfun! Er verulega þreytt í öllum vöðvum þegar þetta er ritað klukkan að verða tíu að morgni. En fínt að vakna snemma og byrja daginn á æfingum, hentar mér vel því ég er morgunmanneskja.
Annars hef ég verið ágætlega dugleg að hreyfa mig síðan ég byrjaði þetta puð á miðvikudaginn. Á fimmtudag fór ég í röskan göngutúr, föstudag til Siggu, hvíldi á laugardag með því að fara í Laugar Spa og Nítjándu í brunch (dögurð) með saumaklúbbnum (það var ljúft) og tók svo ágæta karateæfingu í gær. Best er að ég þoli þetta vel og finn að þetta gerir mér gott. Þá er það bara að halda áfram og koma sér í fyrra form. Koma svo!!