Hvernig má það vera

…að í öllum íþróttahúsum og sundstöðum landsins eru gosdrykkjasjálfsalar og íspinnasjálfsalar? Svo ekki sé minnst á pysluvagnana á hlaðinu. Þessi íþróttahús eru þó oftar en ekki eign sveitarfélaganna og á þeirra ábyrgð. Af hverju hafa Íþrótta- og tómstundaráð sveitarfélaganna ekki úthýst sætum gosdrykkjum og orkudrykkjum úr sínum húsum? Hefur örugglega ekki einu verið rætt einu sinni og ekki til sem hugmynd í huga þeirra sem þar ráða.

VIÐ ÍSLENDINGAR ERUM NEFNILEGA SVO ROSALEGA FLINK Í AFKSIPTALEYSI SVO EKKI SÉ MINNST Á HÖMLULEYSIÐ.

Er eitthvað að undra að við séum feit eða með skemmdar tennur? Íslendingar hafa á síðustu árum látið frjálsyggju”fíflin” segja sér að það megi ekki hafa áhrif á neyslu fólks á “óhollari” matvælum. Allir áttu að hafa vit fyrir sér sjálfir og geta lesið í fræðslubæklingum og auglýsingum í strætóskýlum að þeir eiga að bursta í sér tennurnar. Neysluskatta mátti ekki leggja á, þó vitað sér að þeir hafa áhrif neysluna. Því sé ég ekkert að sykurskatti ríkisins en er hins vegar mjög ósátt við að það sé sykurskattur á kolsýrðu vatni, það er rangt og dæmi um hve lítið er hugsað um skatta sem tæki til að hafa áhrif á hegðun!

Áfengi var nauðsyn í matvörubúðir þó að Alþjóðaheilbrigðismálalstofnunin vari eindregið við því og það er ekki þannig í öllum löndum að áfengi sé hægt að kaupa í matvörubúðum eins og flestir Íslendingar virðast halda.
Einhvern vegin finnst mér þingmálið áfengi í matvörubúðir vera bautasteinn sjálfstæðisflokksins.

Fyrirgef oss vorar skuldir

Það er greinilegt að Breta og Hollendingar ætla ekki að fyrirgefa okkur vorar skuldir. Þá spyr ég því ættu þeir að gera það? Þær skuldir sem stofnað er til í íslensku nafni eru íslenskar skuldir. Ef hér hefði verið útlenskur banki þá hefði nú eitthvað í okkur heyrst ef þeir hefðu ekki ætlað að standa við sínar skuldbindingar við gjaldþrot eða hrun. Vissulega var ekki til þessa skulda stofnað af okkur Íslendingum en við kusum þó yfir okkur þau stjórnvöld sem einkavæddu bankanna. Sömu stjórnvöld sem héldu að sér höndum þrátt fyrir viðvaranir. Það er ekki eins og það sé eitthvað nýtt í þessu og ekki legið fyrir síðan í haust að við værum í vondum málum. Hélt í alvörunni einhver að við þyrftum ekki að borga? Að við Íslendingar værum enn og aftur yfir aðra hafin? Að við værum svo spes að um okkur giltu aðrar reglur. Life is a bitch og við smáþjóð utan ESB. Eflaust er það rétt að regluverk Evrópu var ekki í lagi og spurning um margt í þessum málum. Og svo sannarlega er ég ekki sátt við að þurfa hugsanlega að borga þessar háu upphæðir og en er þó fegin að málið er frágengið.
Mér er algerlega á huldu hverju fólkið var að mótmæla í gær á Austurvelli. Held að það hafi fyrst og fremst verið svekkelsi með Steingrím Joð sem eins og svo margir átti auðvelt með að gagnrýna þegar hann var í stjórnarandstöðu og vissi ekki eins mikið og hann veit núna. Vona bara að allt komi upp á yfirborðið þegar tíminn líður og yfir þessi mál fennir.
Mér finnst þetta leiða enn og aftur í ljós hvað Íslendingar eru barnalegir upp til hópa. Höfum í huga að ófæddir kynslóðir Þjóðverja þurftu að borga fyrir syndir nasista árum saman.
Langar að endingu að benda á pistil Silju Ómars

Er í nýju rauðu skónum mínum

Í dag

…er ég stödd í sumarbústaðnum Sólbergi í Úthlíð í sól og sumarblíðu. Á svoleiðis degi eyðir maður ekki orku í að skrifa um IceSave samninginn!! Ég veit bara eitt að ég skil ekki hvað þetta lið er að pípa á þingi og fær einskonar brjóstagjafaþoku þegar formaður Framsóknar hefur róminn. Þó hef ég ekki haft barn á brjósti í mörg ár. Svipað gerist þegar BB byrjar að kvarta yfir því að fá að tala um málin…

Kjellan er öll að koma til

Ég keypti mér nýja skó í dag, annað par ársins. Rauðir sandalar með smá hæl og blingi á ristinni. Geggjaðir

Ég er öll að koma til

hvar eru allir?

Ég taldi víst þegar ég byrjaði að skrifa aftur að það yrði brjáluð traffík hér á síðuna mína…hvar eru allir?
Það að einbeita sér að bloggskrifum aftur er svolítið eins og að læra að hjóla. Fer hægt fyrst en svo kemur þetta. Því hef ég ákveðið að skrifa eina færslu á dag svona til að æfa mig. Þá hefur maður líka augun opin eftir áhugaverðu umfjöllunarefni. Það er hverjum manni hollt.
Þið verðið bara að þola ómerkilegar færslur þess á milli sem ég dett á eitthvað sniðugt. Takmarkið er sem áður að verða efst á lista www.wordpress.com yfir vinsælustu bloggara landsins.

Stýrivextir voru lækkaðir um 1% í morgun – óhboj – allt verður vitlaust núna. Er búið að ráða Davíð aftur í Seðlabankann eða hefur Alþjóðagjaldeyrissjóðurinn okkur í skrúfstykki?

Er í svörtum sandölum með frjálsar tær

Hin merkilegu læknisstörf!

Í dag fór ég með son minn til læknis, á heilsugæsluna í Garðabæ. Við biðum í rúma viku eftir tíma enda eru heimilislæknar uppteknar manneskjur. Okkar erindi var ekki akút heldur er drengurinn með vörtu á annarri stóru tánni. Ég velti því fyrir mér þar sem Óskar lá á bekknum og læknirinn sprautaði fljótandi köfnunarefni á illgresið hvort að manneskja með tæplega 10 ára nám á háskólastigi væri ekki over-qualified í þetta verk? Af hverju þarf læknir að sjá um slíka aðgerð??? Þessi litla “aðgerð” krafðist ekki neinnar sérstakrar þjálfunar, ekki var skorið bara spreyjað og kannski mikilvægast að vera ekki skjálfhentur!

Ég bara fór að velta þessu fyrir mér – svona í ljósi umræðu um biðlista og kostnað við heilbrigðiskerfið

Er í svörtu lakkskónum mínum með lágum hæl (keyptir í Boston í september 2008)

Dauð, dauðari dauðust?

Þannig er að í mér blundar bloggari sem af og til kemur fram. Hann hefur týndur og tröllum gefinn síðustu misserin. Þessi bloggari er orðinn svo mikill Facebookari að hann hugsar bara í frösum og ræður ekki lengur við að mynda flóknari setningar en þær sem eru 2 sekúndur að verða til. Þessi bloggari er meira að segja búinn að tapa niður lágmarkskunnáttu í íslensku og man ekki lengur hvort skrifað er í eða ý í orðinu TÝNDUR…

Iss – gengur ekki

Samt hefur heilmikið á daga þessa bloggara drifið. Hann varð til dæmis 43 ára síðasta laugardag (30. maí), hann er orðinn 1. kyu í karate og má því hefja undirbúning að DAN gráðun á næsta ári. Þessi bloggari er búinn að ferma yngsta barnið sitt og skipuleggja sumarleyfi til Tenerife í miðri kreppu. Kaupa sér reiðhjól og hjóla um bæinn eins og hann getur, vinna helling (með hangandi hendi), skipuleggja ættarmót í sumar, drekka mikið kaffi, fara á Listahátíð (Tiger Lillies og Þorstein frá Hamri), sinna fjölskyldunni, strauja (bara smá), fara í sumarbústaðinn og svona mætti lengi telja.

Margt hefur hann ekki gert – eins og að vera handtekinn fyrir óskpektir á almannafæri eða mótmæli.

Verst af öllu er að þessi aumi bloggari hefur bara keypt sér eitt skópar á árinu og er það langt undir meðaltalinu. Það er ekki nógu gott!!

Lifið heil

Kosningar 2009

Er ekki kominn tími á eina könnun?
[polldaddy poll=1559443]

Skemmtileg vika framundan

dkhioea hglaypjklghopueio

huehlæahioa

eutagjkayetghægj

Svona er ég andlaus

Ég held reyndar að ég eigi að vera í Las Vegas en þar hef ég verið á þessum tíma síðustu tvö árin!

Ég hef ákveðið

að fylgjast sem minnst með pólitíkinni fram að kosningum. Er búin að fá nóg af þessu. Veit hvað ég ætla að kjósa og mun gera það. Hlusta ekki á gylliboð, skítkast, hræðsluáróður né væl.

Geri mér fullkomlega grein fyrir að við erum í djúpum skít og niðurskurður verður mikill á næstu fjárlögum, sama hvaða flokkur er í ríkisstjórn. Veit líka vel að skattahækkanir verða á meðal JónogGunnu og alla hina því að flestir tekjustofnar ríkisins eru horfnir á haf út. Veit líka að krónan er illa stödd og við þurfum að ættleiða annan gjaldmiðil. Veit líka að sveitarfélögin þurfa að skera niður þjónustu. Langar að benda hér á eina grein sem kannski snertir þetta og aðra hér sem er eftir Benedikt Jóhannesson.

Við kjósendur leyfum flokkunum að ljúga að okkur. Höfum í kosningabaráttunni stungið hausnum í sandinn og látið ljúga að okkur um að þetta sé nú ekki svo slæmt og það þurfi bara svo sem eitt álver eða skatta á “ofurlaun” til að redda málum.

Bottom line: VIÐ MUNUM BORGA BRÚSANN hvort sem það verður með óbeinum sköttu, beinum sköttum, þjónustugjöldum eða á einhvern annan hátt.